Joan edukira

    URA Mauetako alkatearekin eta auzokideekin bildu da, Salado errekaren hobekuntza hidraulikoa ekarriko duen ibaia lehengoratzeko lanak proposatzeko.

    Argitalpen-data: 

    URAko teknikaria Mañuetako udalean proiektua azaltzen
    • Ubide horretan uholdeak izan dira behin eta berriz, aurtengo ekainean eta irailean bezala; etxebizitzak, upategiak eta mahastiak urez betez
    • Jarduketak ibilgua eta ertzak lehengoratzea du helburu, eta, aldi berean, tartearen ahalmen hidraulikoa handitzea

    URAko zuzendari nagusia eta talde teknikoa alkatearekin eta  Mañuetako bizilagunekin bildu dira ibaia lehengoratzeko jarduketa bat proposatzeko: Salado errekaren hobekuntza hidraulikoa xede, uholde-arriskua  murrizteko lanak.

    Salado errekak ingurumenaren aldetik oso narriatuta dagoen ibilgua du, ezponda bertikalizatuak ditu, ibaiertzeko landaretzarik ez, eta zenbait pasabide; horietako bik – A-3224 errepidea igarotzen duenak eta Berzal Jabari Upeltegian errekan gorakoa  igarotzeak – uraren fluxua oztopatzen dute. Zati osoan sekzio hidraulikoa nahikoa ez denez — baita ohiko uraldietarako, 10 urteko errepikatze-denborarako eta baita txikiagoetarako ere —, beharrezkoa da esku hartzea. Errekak gainezka egin zuen azken gertakari esanguratsuak ekainaren 23an eta irailaren 4an gertatu ziren.

    Horretarako, URAk zenbait jarduketa egitea proposatzen du, errekaren ibilgua ingurumenaren eta paisaiaren aldetik lehengoratzeko, ibilgua ahalik eta egoera naturalenera itzularazteko,  eta Salado errekari edukiera hidrauliko nahikoa emateko 50 urtetik gorako errepikatze-denborako uraldia luzera osoan ere husteko.

    Horretarako, eta egindako azterketa eta analisi hidraulikoaren ondoren —zeina xehetasunez azaldu baitzaie Udalari eta ukitutako bizilagunei— Uraren Euskal Agentziak eraikuntza-proiektua idatziko du, ibilgua egokitzeko obrak eta horien aurrekontua definitzeko. Obra horietan, ibilgu trapezoidalaren sekzio bat sortuko da — ibaiertzeko baso autoktonoarekin landareztatzea ahalbidetuko duten ibaiertz etzanak izango dituena —, adierazitako bi pasabideak ordeztuko dira, eta zati batean defentsa txikiko hormatxo bat eraikiko da.

    Informazio gehigarria