Saneamendu-sistema kudeatzeko plan integralak egin behar dituzten Euskal Autonomia Erkidegoko barne-arroetako hiri-aglomerazioen inbentarioa.
2023ko irailaren 20an sartu zen indarrean ekainaren 18ko 665/2023 Errege Dekretua, apirilaren 11ko 849/1986 Errege Dekretuak onartutako Jabari Publiko Hidraulikoaren Erregelamendua aldatzen duena (aurrerantzean, JPHE), besteak beste.
JPHEaren berritasunen artean, 259 bostgarren (“quinquies”) 2 artikuluan ezartzen da isurtzeko baimenen titularrak diren erakundeek Saneamendu Sistema Kudeatzeko Plan Integrala (aurrerantzean, SSKPI) egin behar dutela, adierazitako hiri-aglomerazioetan.
Jabari Publiko Hidraulikoaren Errege Dekretuaren bigarren xedapen gehigarriaren arabera, SSKPI-ak egin behar dituzten hiri-aglomerazioen inbentarioa egingo zuten organo eskudunek, gehienez ere urtebeteko epean, uztailaren 18ko 665/2023 Errege Dekretua indarrean jartzen denetik zenbatzen hasita.
Xedapen horren arabera, Uraren Euskal Agentziak eskumena du Euskal Autonomia Erkidegoko barne-arroen inbentarioa egiteko. Horregatik, 2025eko martxoaren 11ko 48 zenbakiko EHAA (PDF, 165 KB) 
n argitaratutako iragarkiaren bidez, Uraren Euskal Agentziak ezagutzera ematen du Euskal Autonomia Erkidegoko barne arroetako SSKPI-ak egin behar dituzten hiri-aglomerazioen inbentarioa.
Informazio publikoari lotutako agiriak:
- IRAGARKIA, Uraren Euskal Agentziarena. Honen bidez, jendaurrean jartzen da saneamendu-sistema kudeatzeko plan integralak egin behar dituzten Euskal Autonomia Erkidegoko barne-arroen hiri-aglomerazioen inbentarioa. (PDF, 165 KB)
- Saneamendu-sistema kudeatzeko plan integralak egin behar dituzten Euskal Autonomia Erkidegoko barne-arroetako hiri-aglomerazioei buruzko txostena. (PDF, 2 MB Euskaraz)
- Kantauri Ekialdeko Demarkazio Hidrografikoaren barruan, Euskal Autonomia Erkidegoko Barne-Arroei dagozkien saneamendu-sistema kudeatzeko plan integralak egin behar dituzten hiri-aglomerazioen inbentarioari aurkeztutako alegazioak. (PDF)
Erkidegoen arteko arroetan SSKPIak egin behar dituzten hiri-aglomerazioen inbentarioa.
Azken aldaketako data: