Ur-emariak neurtzeko estazioen datuak. URA

Uraren Euskal Agentziak eskuragarri jartzen du Euskal Autonomia Erkidegoko lazaleko eta lurpeko uren kontrol-sareen informazio hidrologikorako sarbidea ematen duen bisorea: Foru Aldundietako, Euskalmeteko, URAko eta Ur Partzuergoetako estazioak barne.

Bisore honek erakunde kudeatzaile bakoitzak bere estazioetarako sortzen eta baliozkotzen duen informazioa integratzen du. Gipuzkoako Foru Aldundiaren jabetzako estazioen kasuan, estazioei buruzko datuak denbora errealean konektatuta badaude, haien webgunean ere kontsulta daitezke. Halaber, azaleko uren estazio jakin batzuen denbora errealeko emariari buruzko datuak eskuragarri daude Euskalmeten webgunean, non Euskadiko Sare Bateratuari buruzko informazio hidro-meteorologikoa ematen den. Web horri azaleko uren estazio guztien datuak denbora errealean eranstea aurreikusi da. Kontuan hartu behar da Uraren Euskal Agentziak gaur egun kudeatzen dituen estazioen informazio historikoa berrikusi eta araztu egin dela, eta aurretik beste erakunde batzuen webgunean argitaratutako datuetatik aldeak izan daitezkeela.

Tresna horri esker, eguneko batez besteko emariaren datuak deskarga daitezke, bai eta azaleko uren estazioetarako eta lurpeko uren estazioetarako erabilgarri dauden hamar minutuko emariarenak ere. Zundaketen kasuan, eguneko batez besteko mailari eta eguneko batez besteko kotari buruzko informazioa ematen da, eskura dauden hamar minutuko datuez gain. Informazio hori deskargatzeko, tresna bisore geografiko batean oinarritzen da. Bisore horrek datu horietara iristea errazten duten neurketa-estazioak bilatzeko eta hautatzeko aukerak ditu. Uraren Euskal Agentzia lanean ari da tresna horri funtzionalitate gehigarriak gehitzeko.

Informazio hori zehaztugabea izan daiteke edo aldaketak izan ditzake; beraz, URAk ez du bere gain hartzen informazio hori erabiltzeko erantzukizunik.