Joan edukira

Bilera Gobeo, Astegieta eta Krispiako administrazio-batzarrekin Zadorraren uholdeei aurre egiteko lan-proiektuaren IV. fasea azaltzeko

Argitalpen-data: 

URA eta ACOVIren arteko bilera
  • Aireportuaren hegoaldean, 840 m inguruko luzera eta 1,68 m-ko batez besteko altuera izango duen lubeta bat eraikitzean datza proiektua; baita Astegieta, Apaolaza eta Krispiña defendatzean ere
  • Lizitaziorako oinarrizko aurrekontua 7,3 milioi eurokoa izango da, BEZa barne, eta obrak hasten direnetik 20 hilabeteko egikaritze-epea beharko dute

URA-Uraren Euskal Agentziako zuzendari Antonio Aiz Gobeo, Astegieta eta Krispiñako administrazio-batzarrekin bildu da gaur, Zadorra ibaiaren uholdeeei aurre egiteko lan-proiektuaren IV. fasea azaltzeko. Proiektua jendaurrean da otsailaren 3tik martxoaren 7ra arte.

Proiektuaren helburua da Forondako aireportua eta Astegieta eta Krispiñako herriguneak Zadorraren ur-goraldietatik  babestea. Horretarako, lizitaziorako oinarrizko aurrekontua 7,3 milioi eurokoa izango da, BEZa barne, eta obrak hasten direnetik 20 hilabeteko epea beharko dute. Eskualde Garapeneko Europako Funtsak (EGEF 2021-2027) finantzatzen du proiektu hori.

Uraren Agentziako zuzendariak azaldu duenez, “obrak beste urrats bat dira Gasteizko iparraldeko herrietako segurtasun-maila nabarmen handitzeko: Zadorrako ur-goraldien aurrean. III. faseari ekin ondoren, obrek eraginkortasun handiagoa lortuko dutela jakinda”.

Alde batetik, aireportuko hegoaldeko esparrua eta pistaren azken zatia defendatzea aurreikusten da, ur-goraldierrepikakorrei aurre egiteko. Irudikatutako babesaren bidez, 840 m inguruko luzera izango duen lubeta bat eraikiko da: 2,59 m-ko gehieneko garaiera,  eta 1,68 m-ko batez besteko altuerakoa. Jarduketa honekin, Astegieta, Apaolaza eta aireportuaren hegoaldean dauden uholde-arazoak nabarmen murriztuko dira.

Bestetik, Astegietako herrigunea eta Apaolazako industrialdea uholdeetatik babesteko lanak egingo dira. Proiektatutako babesaren bidez, 1400 m inguruko luzera izango duen eta gehienez 2,48 m-ko altuera izango duen lubeta bat eraikiko da, eta batez besteko altuera 1,88 m-koa izango da.

Ur-goraldiak hiri-eremuan sar ez daitezen, beharrezkoa da Zuatzu ibaiaren trazadura egokitzea, hura bideratuz eta aire zabalean irekiz. Parez pare, egungo trazadura aldatzeko asmoa dago, Zadorra ibaiaren meandro berreskuratura bideratzeko. Meandro hori erabiltzen ez den merkataritza-gunearen hegoaldean dago, eta duela gutxi berreskuratu da.

Azkenik, defentsa-lanak egiten dira Krispiñan ere. Zehazki, trenbidearen iparraldean dauden etxebizitzak babesteko. Proiektatutako babesaren bidez, 333 m inguruko luzera izango duen lubeta bat eraikiko da, 1,31 m-ko gehieneko garaiera, eta 0,82 m-ko batez besteko altuerarekin, aurkeztutako zeharkako profilen arabera.

 
Bilatu URAn