Jabari publiko hidraulikora isurketak egiteko baimena berrikustea
Jabari publiko hidraulikora isurketak egiteko baimenaren pertsona edo entitate titularrak prozedura hori eskatu behar du, baimen hori emateko baldintzak aldatu badira honako hauei dagokienez: isurketaren bolumena eta osaera, tratamendu-sistema, husteko modua, isurketa-fluxuen edozein aldaketa eta abar.
Ebazteko gehieneko epea:
EAEko barne-arroen eremuan, 6 hilabete, baimena eskatzen denetik hasita
Erkidego arteko arroen eremuan, 12 hilabete, baimena eskatzen denetik hasita
Nork izapidetu dezake?
Interesatuta dagoen edozein pertsonak, identifikazio elektronikoaren bidez. Talde hauek nahitaez egin beharko dute(1):
- Enpresak eta elkarteak.
- Nortasun juridikorik gabeko entitateak (sozietate zibilak, jabe-erkidegoak, etab.).
- Profesional elkargokideak (beren jarduerarekin lotutako izapideetan).
- Enplegatu publikoak (beren eginkizunak betetzen dihardutenean).
- Enpresaburu indibidualak edo autonomoak, lanbide-jardueran egiten dituzten izapide eta jarduketetarako.
- Aurreko edozein kolektiboren ordezkariak.
Nola?
- Irakurri informazio-orria.
- Hautatu eta bete itzazu beharrezkoak diren formularioak soilik, kontuan hartuta zein den baimendu nahi duzun isurketa mota:
1.1 Hiri-isurketa
1.2 Hirikoak ez diren isurketak
2. Isurgunea
3.1. Bilketako urak
3.2. Hondakin-ur gordinak
3.3. Hozteko urak
3.4. Karakterizazio orokorra
3.5. Karakterizazio berezia
4. Arazteko eta ebakuatzeko instalazioen eta kontrol-elementuen deskribapena
5.Isurketak arazteko eta ezabatzeko obren eta instalazioen proiektua
5.1 Saneamendu-sistemaren karakterizazioa
5.2. Euri-aldietan saneamendu-sistemak gainezka egitearen ondoriozko kutsadura mugatzeko neurriak, jarduketak eta instalazioak
6. Isurketak hirugarrenei eragindako ondorioak
7.1 Kolektoreetara substantzia arriskutsuekin egindako industria-isurketen inbentarioa
7.2 Kolektoreetara egindako isurketen saneamendu- eta kontrol-plana, eta murrizketa-programak
8. Aurretiazko azterlan hidrogeologikoa
9. Isurketaren erabiltzaile-erkidegoa eratzea - Presta itzazu dokumentu osagarriak (gehienez, 10 MB artxibo bakoitzeko). Zalantzarik baduzu, informazio-orrian kontsulta ditzakezu xehetasun guztiak.
- Sartu egoitza elektronikoan, eta jarraitu urrats hauei:
- Identifika zaitez zure bitarteko elektronikoarekin.
- Bete inprimakia.
- Erantsi dokumentuak.
- Sinatu eta bidali.
Nire karpetaren bidez, aukera izango duzu espedientearen egoera kontsultatzeko eta izapidetzearen hurrengo urratsak kudeatzeko.
Non?
Esteka honen bidez, zuzenean: Jabari publiko hidraulikora isurketak egiteko baimena berrikustea
Nork izapidetu dezake?
Pertsona fisikoek edo haien ordezkariek bakarrik, baldin eta elektronikoki egitera behartuta ez badaude. Hala ere, bitarteko elektronikoen bidez ere egin ahal izango dute, eta komunikatzeko modua aldatu ahal izango dute eskabidea izapidetzen den bitartean.
Nola?
- Irakurri informazio-orria.
- Bete eta sinatu eskabide-eredua.
- Hautatu eta bete itzazu beharrezkoak diren formularioak soilik, kontuan hartuta zein den baimendu nahi duzun isurketa mota.
1.1 Hiri-isurketa
1.2 Hirikoak ez diren isurketak
2. Isurgunea
3.1. Bilketako urak
3.2. Hondakin-ur gordinak
3.3. Hozteko urak
3.4. Karakterizazio orokorra
3.5. Karakterizazio berezia
4. Arazteko eta ebakuatzeko instalazioen eta kontrol-elementuen deskribapena
5.Isurketak arazteko eta ezabatzeko obren eta instalazioen proiektua
5.1 Saneamendu-sistemaren karakterizazioa
5.2. Euri-aldietan saneamendu-sistemak gainezka egitearen ondoriozko kutsadura mugatzeko neurriak, jarduketak eta instalazioak
6. Isurketak hirugarrenei eragindako ondorioak
7.1 Kolektoreetara substantzia arriskutsuekin egindako industria-isurketen inbentarioa
7.2 Kolektoreetara egindako isurketen saneamendu- eta kontrol-plana, eta murrizketa-programak
8. Aurretiazko azterlan hidrogeologikoa
9. Isurketaren erabiltzaile-erkidegoa eratzea - Prestatu dagokion dokumentazioa. Zalantzarik baduzu, informazio-orrian kontsulta ditzakezu xehetasun guztiak.
- Erregistratu eskabidea toki hauetako edozeinetan.
Non?
- Uraren Euskal Agentziaren hiru bulegoetako edozeinetan, astelehenetik ostiralera, 08:30etik 14:00etara.
- Zuzenean: Herritarrei arreta presentziala emateko zerbitzuaren bidez.
- 39/2015 Legean aurreikusitako edozein modu gehigarri erabilita(2).
Isurketa-baimena da administrazio hidraulikoak egiten duen dokumentu bat, jarduera batek ingurune naturalera hondakin-urak isurtzea baimentzeko, betiere bete beharreko baldintza zehatz batzuen arabera. Baimenaren bidez, ziurtatu egiten da isurketa horrek ingurunearen kalitatea arriskuan jartzen ez duela eta isurketa egiten den lekuko ingurumen-helburuak errespetatzen direla.
Besteak beste, alderdi hauek zehazten dira baimenean:
- Zer jarduera motak sortzen dituen hondakin-urak.
- Nola tratatzen diren, isuri aurretik.
- Non eta nola egiten den isurketa.
- Pertsona edo erakunde titularrak zer informazio eman behar duen isuritako uraren kantitateari eta kalitateari buruz, eta nola mantendu behar dituen instalazioak.
Ez. Isurketa-baimena edozein jarduera hasi baino lehen lortu behar da.
Lizentzia ematen duen udalak egiaztatu beharko du jarduerak isurketa-baimena daukala edo eskuratzeko fasean dagoela.
Hiri-isurketak komun eta aldageletatik datoz, etxebizitzetatik, urbanizazioetatik, zerbitzuetatik, erakundeetatik eta, oro har, industria-jardueraren presentzia txikia duten hiri-eremuetatik, eta batez ere giza metabolismoak eta etxeko jarduerek sortzen dituzte.
Hirikoak ez direnak, hau da, industria-isurketak, aldiz, industria- eta ekonomia-jardueretan sortzen dira, jarduera bakoitzaren berezko osaera eta ezaugarriak dituzte, eta tratamendu espezifikoak behar dituzte.
Lehorrean sortzen diren eta, ondoren, itsasora bideratzen diren isurketak dira, edo trantsizio-eremuetara, hala nola itsasadarretara, estuarioetara eta kostaldeko eremuetara.
Oro har, debekatuta dago lehorretik itsasora isurketak egitea, berariazko baimenik izan ezean.
Ez dira lehorretik itsasorako isurketatzat hartzen itsasontzietatik itsasora egiten direnak.
Isurketak kontrolatzeko kanona tasa bat da, helburutzat duena ingurune hartzailea aztertzea, kontrolatzea, babestea eta hobetzea, eta haren zerga-egitatea jabari publikora isurketak egitea da. Tasa hori ordaindu behar duen subjektu pasiboa isurketa-baimenaren pertsona edo entitate titularra da.
Kanonaren kalkulua baimen bakoitzean jasotzen da, isurketa-bolumenarekiko proportzionala da, eta, kalkulu hori egiteko, kontuan hartzen dira isurketaren nolakotasuna, ezaugarriak, kutsadura-maila eta ingurune hartzailearen ingurumen-kalitatea.
Ez. Isurketa-baimen bakoitza bakarra da, eta hor ezartzen dira bete beharreko mugak, abiapuntuko datu batzuk aintzat hartuta: isuri nahi diren hondakin-uren eta ibilgu hartzailearen ezaugarriak, isuritako bolumena, agorraldiko emari espezifikoa, esleitutako kalitate-helburua, etab.
Hiri-isurketen edo antzekoen kudeaketan, karga kutsatzailea biztanle-baliokidetan neurtzen da; unitate horrek, hain zuzen, pertsona batek egunean sortutako kutsadura adierazten du. Neurri horri esker, hiri-isurketak beren inpaktu potentzialaren arabera sailka daitezke:
- 250 biztanle-baliokide arte: neurri hori ohikoa da etxebizitza isolatuetan, urbanizazioetan, landaguneetan edo kokagune txikietan. Isurketa horiek eragin mugatua izan ohi dute, eta, horietarako, baimen-prozedura sinplifikatua eska daiteke.
- 250 biztanle-baliokide baino gehiago: ohikoa da hiri-aglomerazioetan edo isurketa-bolumen handiko jardueretan. Halako isurketek baimen zehatzagoak eta kontrol tekniko zorrotzagoak behar dituzte ingurune hartzailea babesteko.
Isurketa sinplifikatuaren adierazpena aurkeztu ahal izango dute 250 biztanle baliokide arteko biztanle-gune isolatuetatik datozen hiri-izaerako edo antzeko hondakin-uren isurketen titularrek, bai eta industria-instalazioetan sortutako etxeko isurketen titularrek ere. Baimen sinplifikatuaren prozedurak jendaurreko informazioaren izapidea egitetik eta beste administrazio batzuei txostenak eskatzetik salbuesten du.
Isurketaren erantzukizunpeko adierazpenak baimen-prozedura ordezten du soilik EAEko kantauriar arroetan dauden isurketetan eta honako baldintza hauek betetzen direnean:
- Familia bakarreko etxebizitzak izatea, saneamendu-sare publiko batera konektatzeko aukerarik ez dutenak
- Dekantazio-digestio prozesu baten ondoren (adibidez, hobi septiko bat), etxebizitzaren partzela berean iragazita hustea.
- Ez da egon behar ura biltzeko putzurik, iturririk edo iturbururik 50 m-ko erradioan, ezta ur-ibilgurik ere 10 metro baino gutxiagora
Erantzukizunpeko adierazpen hori Uraren Euskal Agentzian erregistratu beharko da, isurketa hasi baino 15 egun baliodun lehenago gutxienez. Bateraezintasunik izanez gero, isurketa egitea ezinezkoa dela jakinaraziko zaio deklarazio-egileari.
Ez. Baimena emateko oinarri izan ziren ezaugarriak aldatu badira (isurketaren bolumena edo ezaugarriak, tratamendu mota, husteko modua, etab.), baimena berrikusteko eskatu behar duzu.
Isurketa sortzen duen jardueraren titulartasuna aldatu bada, titulartasuna aldatzeko eskatu beharko du.
Gainera, Uraren Euskal Agentziak ofizioz berrikus dezake baimen bat, honako egoera hauetan:
- Aurretik izan balira, ukatzea edo egilestea beste modu batera justifikatuko zuketen inguruabarrak gertatzen direnean.
- Isurketa ingurumen-kalitateko arauetara edo ingurune hartzaileari aplika dakizkiokeen beste ingurumen-helburu batzuetara egokitzeko.
- Salbuespenezko egoeretan (lehortea edo muturreko baldintza hidrologikoak).
- Arau-aldaketetara egokitzea.
Organismoak:
Uraren Euskal Agentziak eskumena du EAEko barne-arroetan, hau da, Euskal Autonomia Erkidegoko lurraldetik bakarrik igarotzen diren arroetan: Asua, Barbadun, Butroe, Estepona, Galindo, Gobela, Oka, Lea, Artibai, Deba, Oiartzun eta Urola.
Ebroko eta Kantauriko konfederazio hidrografikoak eskudunak dira autonomia-erkidego bat baino gehiago zeharkatzen dituzten erkidego arteko arroetan: Urumea, Oria, Nerbioi, Ibaizabal, Cadagua, Agüera, Karrantza, Omecillo, Baia, Zadorra, Inglares, Araia, Ega, Errioxa eta Bidasoko ardatz nagusia.
Araudia:
- (1)Administrazio Publikoen Administrazio Prozedura Erkidearen urriaren 1eko 39/2015 Legearen 14. artikulua
- (2)Administrazio Publikoen Administrazio Prozedura Erkidearen urriaren 1eko 39/2015 Legearen 16.4 artikulua
- 1/2001 Legegintzako Errege Dekretua, uztailaren 20koa, Uraren Legearen testu bategina onartzen duena.
- 1/2006 Legea, ekainaren 23koa, Urarena
- Jabari Publiko Hidraulikoaren Erregelamendua, apirilaren 11ko 849/1986 Errege Dekretuak onartua, eta hari egindako aldaketak
- 817/2015 Errege Dekretua, irailaren 11koa, Lurrazaleko uren egoeraren eta ingurumen-kalitateko arauen jarraipena eta ebaluazioa egiteko irizpideak ezartzen dituena
- AAA/2056/2014 Agindua, urriaren 27koa, Isurketa-baimenerako eta -adierazpenerako eskabide-eredu ofizialak onartzen dituena.
- 35/2023 Errege Dekretua, urtarrilaren 24koa, zeinaren bidez onartzen baita berrikus daitezela Kantauri Mendebaldeko, Guadalquivirreko, Ceutako, Melillako, Segura eta Jucarreko demarkazio hidrografikoetako plan hidrologikoak eta Kantauri Ekialdeko, Miñoko, Sileko, Dueroko, Tajoko, Guadianako eta Ebroko demarkazio hidrografikoetako Espainiako zatikoak.
- 11/1995 Errege Lege Dekretua, abenduaren 28koa, Hiriko hondar-urak tratatzeko arauak ezartzen dituena.
- 509/1996 Errege Dekretua, martxoaren 15ekoa, zeinaren bidez garatzen baita abenduaren 28ko 11/1995 Errege Lege Dekretua, Hiriko hondar-urak tratatzeko arauak ezartzen dituena.
Kodea: Jabari publiko hidraulikora isurketak egiteko baimena berrikustea 1021103
Azken aldaketako data:
